Blog

Metodologías y criterios para la redacción de un programa de mantenimiento de sitios arqueológicos con Arte Rupestre
Metodologías y criterios para la redacción de un programa de mantenimiento de sitios arqueológicos con Arte Rupestre
Metodologías y criterios para la redacción de un programa de mantenimiento de sitios arqueológicos con Arte Rupestre

APRENDER A CONSERVAR E PROTEXER Á ARTE RUPESTRE

Este fin de semana celebrouse o segundo curso do Plan Formativo 2017 no Parque Arqueolóxico de Arte Rupestre de Campo Lameiro (PAAR) co seguinte título: “Metodoloxías e criterios para a redacción dun programa de mantemento de sitios arqueolóxicos con Arte Rupestre”. Unha actividade coordinada por Fernando Carrera, profesor da Escola de Restauración de Bens Culturais de Galicia, que tiña como idea principal a de proporcionar aos profesionais do sector as ferramentas metodolóxicas necesarias para enfrontarse aos traballos de conservación dos petróglifos. Un tipo de patrimonio cultural que require dun tratamento excepcional pola súa fraxilidade diante das actividades humanas e naturais, e o seu emprazamento disperso.

Os alumnos do curso foron principalmente estudantes e profesionais do mundo da Arqueoloxía e Restauración, procedentes de Galicia e Cataluña. Entre as actividades máis sobresaíntes destacamos a posta en común dos coñecementos teóricos adquiridos, mediante unha sesión práctica dentro da Área Arqueolóxica do PAAR. Desta maneira é máis sinxelo acadar un coñecemento significativo da materia coa intención de aplicalo en proxectos de conservación e restauración da Arte Rupestre.

O seguinte curso do PAAR dentro do Plan Formativo 2017 “Técnicos de documentación tridimensional da Arte Rupestre” (8 e 9 de xullo), tamén terá un enfoque próximo á restauración pola utilidade da fotogrametría como o mellor sistema de rexistro e documentación da Arte Rupestre, así como unha ferramenta de primeira magnitude de cara aos proxectos de posta en valor, como podemos apreciar nas covas rupestres de Lascaux en Francia. Neste ocasión o curso estará impartido por José Pereira, experto na xestión de imaxes científicas ao servizo do patrimonio cultural.

Metodologías y criterios para la redacción de un programa de mantenimiento de sitios arqueológicos con Arte Rupestre

METODOLOXÍAS E CRITERIOS PARA A REDACCIÓN DUN PROGRAMA DE MANTEMENTO DE SITIOS ARQUEOLÓXICOS CON ARTE RUPESTRE

Nova oferta formativa no eido da conservación e restauración da Arte Rupestre, coordinado polo profesor da Escola Superior de Conservación e Restauración de Bens Culturais de Galicia Fernando Carrera Ramírez, experto na conservación de materias arqueolóxicos e doutorado na conservación da Arte Prehistórica. Foi o redactor do Plan Director de Dombate e traballou no Sitio “Dólmenes de Antequera”, e tamén é asesor na Comisión de Redacción da Nominación a Patrimonio Mundial do sitio “Megalithes de Carnac”.

O programa do curso divídese en tres días (12,13 e 14 de maio) no que teremos 20 horas de formación. Nos primeiros dous días as actividades son principalmente teóricas: aspectos previos, redactar un programa de mantemento e mantemento de sitios con Arte Rupestre. E o último día é o momento de levar a práctica os coñecementos adquiridos mediante un exercicio de diagnose e estimación de riscos, deseño de medidas corrector e planificación dun programa de mantemento. Neste caso o obxecto de estudo será a elaboración dun “Plan de mantemento de Campo Lameiro”.

O prazo de inscrición do curso ábrese o día 18 de abril e remata o 10 de maio. Recomendamos a rápida formalización da matrícula porque as prazas son limitadas. Pódese facer directamente a reserva de praza dende a sección de cursos da nosa páxina web.  Máis información no seguinte correo electrónico formacion@paar.es ou no teléfono 886 151 195.

Tedes aquí un enlace do evento formativo celebrado no mes de abril para que coñezades a calidade dos cursos organizados no Parque Arqueolóxico de Arte Rupestre de Campo Lameiro.

 Audiovisual Curso Narrativas de Arte Rupestre (8 de abril de 2017)

Chan da Isca
Visita nocturna Chan da Isca dentro del curso formación 2017
Visita nocturna Chan da Isca dentro del curso formación 2017
Presentación oferta formativa 2017
Presentación oferta formativa 2017

XORNADAS DE NARRATIVAS DE ARTE RUPESTRE GALEGA: DIFERENTES OLLADAS E UN NOVO PETRÓGLIFO

O Parque Arqueolóxico da Arte Rupestre de Campo Lameiro (PAAR) celebrou o día de onte o primeiro evento formativo do ano 2017: “Narrativas da Arte Rupestre Galega”. Máis de 50 persoas, entre os asistentes e os convidados, puideron coñecer diferentes relatos e discursos xerados a partir do estudo dos petróglifos galegos. Tivemos a sorte de escoitar na sesión da mañá as últimas liñas de investigación de Manuel Santos Estévez (Universidade de Minho), Carlos Rodríguez Rellán (USC-GEPN) e Roberto Vázquez Rozas (UVigo). E pola tarde Lara Alves (Universidade de Coimbra), Beatriz Comendador (UVigo), José Manuel Rey García (Director do PAAR), Antonio de la Peña (Conservador do Museo de Pontevedra) e o investigador Ángel Núñez Sobrino.

Dentro deste evento formativo estaba incluído un pequeno agasallo para todos os presentes: a presentación diante do público e a comunidade de arqueólogos e investigadores do novo petróglifo do Parque coñecido polo nome de “Chan da Isca” ou “A manda de cervos de Excalibur”. Fran Amexeiras, guía do Parque, foi o encargado de dirixir a visita guiada coa colaboración dunhas das persoas protagonistas da descuberta, Alia Vázquez, e a directora das actuacións de limpeza, escavación e posta en valor, Begoña Albertes. A partir deste momento este petróglifo intégrase dentro da familia de estacións rupestres do Parque coma un dos elementos de maior interese polo seu significado dentro do conxunto.

Na presentación destas xornadas o xerente do Parque, César Abella Vázquez, lembrou o plan formativo para o 2017, fundamentado en catro cursos relacionados coa Arte Rupestre deseñados coa idea de combinar as necesidades formativas de profesionais da xestión do patrimonio arqueolóxico e a querenza da cidadanía por coñecer o seu patrimonio cultural. O seguinte curso é o de “Metodoloxías e criterios para a redacción dun programa de mantemento de sitios arqueolóxicos con Arte Rupestre” (12, 13 e 14 de maio) no que agardamos chamar a atención de restauradores e arqueólogos interesados na realización de proxectos de conservación e posta en valor da Arte Rupestre.

 

documentacion-programa-redes-sociais
metodoloxias-programa-redes-sociais
narrativa-programa-redes-sociais
Xornadas de narrativas de Arte Rupestre galega
slider-generico

O Parque Arqueolóxico de Campo Lameiro presenta a súa oferta formativa para o ano 2017

O Parque Arqueolóxico de Campo Lameiro pretende seguir crecendo no eido da formación para o presente ano, mediante a programación de catro cursos relacionados coa Arte Rupestre: “Narrativas da Arte Rupestre galega” (Sábado, 8 de abril), “Metodoloxías e criterios para a redacción dun programa de mantemento de sitios arqueolóxicos con Arte Rupestre” (12, 13 e 14 de maio), “Técnicas de Documentación tridimensional sobre Arte Rupestre” (8 e 9 de xullo) e “Xornada profesional de Turismo Arqueolóxico” (7 de outubro). Unha proposta que combina as necesidades formativas de profesionais da xestión do patrimonio arqueolóxico (Restauradores, Arqueólogos, Técnicos de Turismo, Xestores Culturais, Guías Oficiais de Turismo) coa querenza da cidadanía por coñecer o seu patrimonio cultural.

Dentro das entidades colaboradoras contamos coa participación de cinco universidades (USC, Universidade de Vigo, Universidade de Minho e CSIC) dous centros de investigación (Incipit-CSIC e GEPN-USC), tres museos (Museo de Altamira, Museo de Pontevedra e Museo de Côa-Fundacion Côa Parque), dúas asociacións internacionais (Caminos del Arte Rupestre Prehistórico e IBERTUR) e a Escola Superior de Conservación e Conservación e Restauración de Bens Culturais de Galicia. Entre os conferenciantes destacamos a presenza da nova Directora do Museo Nacional e Centro de Investigación de Altamira co seu relatorio “Altamira como recurso para el turismo”, modelo pioneiro na posta en valor da Arte Rupestre na Península Ibérica.

No primeiro curso “Narrativas da Arte Rupestre galega” (Sábado, 8 de abril) fíxose unha escolma dos diferentes relatos creados polos investigadores arredor dos petróglifos de Galicia e o norte de Portugal. De feito temos entre os conferenciantes dous investigadores de universidades portuguesas: Manuel Santos Estévez (Universidade de Minho) e Lara Alves (Universidade de Coimbra); e outros tres das universidades galegas: Carlos Rodríguez Rellán (USC-GEPN), Roberto Vázquez Rozas (Universidade de Vigo) e Beatriz Comendador (Universidade de Vigo). Ademais de José Manuel Rey García (Director do PAAR) e Antonio de la Peña (Conservador do Museo de Pontevedra). Actividade formativa concibida para afeccionados ao patrimonio cultural, docentes e profesionais do sector.

DESCARGAR O PROGRAMA EN FORMATO PDF

FORMULARIO DE INSCRICIÓN>>

Na seguinte actividade formativa,“Metodoloxías e criterios para a redacción dun programa de mantemento de sitios arqueolóxicos con Arte Rupestre” (12, 13 e 14 de maio), o Doutor en Historia Fernando Carrera, especialista en conservación da arte prehistórica, impartirá un curso de 20 horas coa idea de preparar aos profesionais da restauración e arqueoloxía na protección e conservación dos petróglifos, levándose a cabo unha práctica na Área Arqueolóxica do PAAR.

O seguinte curso tamén terá un horizonte práctico para os profesionais ou afeccionados á fotografía: “Técnicas de Documentación tridimensional sobre Arte Rupestre” (8 e 9 de xullo). José Pereira será o responsable de achegarnos aos fundamentos da fotografía e fotogrametría dun xeito sinxelo e dinámico.

A derradeira actividade formativa consiste no desenvolvemento nunha “Xornada profesional de Turismo Arqueolóxico” (7 de outubro), da man dos principais expertos en turismo arqueolóxico: Jordi Juan Treserras (Universidade de Barcelona-IBERTUR), Ramón Montes Barquín (Camiños da Arte Rupestre Prehistórica), Antonio Martinho Baptista (Director do Parque Arqueolóxico Vale do Côa), Pilar Fatás (Directora do Museo de Altamira). Agardamos que estas conferencias sexan unha fonte de inspiración para articular propostas para a dinamización turística do patrimonio arqueolóxico de Galicia.

Máis información en formacion@paar.es e no teléfono 986 69 60 66

Formación PAAR Petróglifos2016
FotoasistentesCursoFormación2016
Noitepedras Astronómico 2016
ObradoirosPAARCaza
Showcooking prehistórico de Prehistoric Skill
Visitas Teatralizadas 2016
Xornada de Metalurxia 2016

MEMORIA DO ANO 2016: REPENSAR O FUTURO DO PAAR

Crecemento porcentual dos usuarios próximo ao 21% 

Na obra novelística de Fred D’Aquiar a memoria convértese nun concepto temático recorrente, onde o pasado invade o presente e o futuro. Seguindo esta idea no PAAR temos que analizar polo miúdo os datos do ano 2016 para extraer conclusión válidas para mellorar xestión no día a día, e ao mesmo tempo, proxectar un horizonte de futuro.

O primeiro indicador de referencia é o número de usuarios que visitaron o PAAR no ano 2016. A cifra de 13.770 avance case un 21 % o conseguido no ano 2015. Observamos un crecemento notable no apartado de público xeral e colexios, sendo a único apartado que require dun cambio de estratexia a dos grupos organizados polo estancamento dos resultados

Estes datos globais soamente representan un dos indicadores que manexamos na nosa planificación estratéxica. Outro dos puntos positivos do ano foi a consolidación da nosa oferta formativa coa celebración de dous cursos de formación: “Técnicas de rexistro e interpretación da arte Rupestre” e “Curso de redución e fundición prehistórico do metal”. Unha liña que tentaremos fornecer no 2017 mediante o desenvolvemento de catro cursos ao longo do ano: “Iniciación á Fotogrametría”, “Avanzado de Fotogrametría”, “Arqueoloxía e Restauración”, “Narrativas da arte Rupestre” e “Foro de Turismo Arqueolóxico”. Chegamos a conclusión de que o PAAR pode e debe ser un referente no campo da arte Rupestre do Noroeste Peninsular para potenciar a súa imaxe de marca e establecer liñas de colaboración con escolas, museos e universidades.

Entre as actividades culturais programadas polo Parque o ano 2016 destacamos o éxito de público da exposición de “Figuras nas rocas. Un percorrido visual polos petróglifos de Galicia” de Xullo Gil, e o “Showcooking prehistórico” de man da empresa portuguesa PrehistoricSkill. Por outra banda, o público tamén valorou a diversidade de propostas coas visitas teatralizadas dos “Quinquilláns e Volta de dálle Teatro” e a “Xornada de Fundición” realizada por Aaron Lackinger (Uvigo).

Outra das novas liñas estratéxicas dentro do noso Plan Operativo 2015-2019 , coordinado por Jordi Juan Treserras (Universidade de Barcelona), establece a necesidade da creación de novos servizos culturais para adaptarnos as necesidades de lecer e cultura dos diferentes segmentos de público. No apartado escolar incorporamos novos obradoiros, destacando en especial o de “Sons da Idade do Bronce” e o de “Arqueólogos por un día”; e aproveitamos a nosa capacidade e destreza de equipa de didáctica para ofertar diversos talleres en Semana Santa e os fins de semana de xullo e agosto, concibido neste caso para satisfacer a un público familiar.

Un apartado especial merece NOITEPEDRAS, o novo formato de visitas nocturnas, gastronomía e lecer nocturno que lanzamos desde que asumimos a xestión do PAAR. No ano 2015 apostamos pola combinación de visitas nocturnas, música en directo e gastronomía tradicional de calidade. O seguinte ano quixemos darlle unha volta e trocar os percorridos e a comida, rematando por incorporar un NOITEPEDRAS de temática astronómica no mes de setembro, da man do astrólogo cultural Benito Vilas, que resultou dun éxito total, enchendo varios días todas as prazas dispoñibles. Isto mostra que outro do camiño que temos que traballar é a conexión da arqueoloxía coa astronomía. Tal como apuntounos no mes de agosto o prestixioso fotógrafo de paisaxes arqueolóxicas Ken Williams.

Outro dos novos servizos para o ano 2017 depende do espectacular achado o ano anterior do espectacular petróglifo “A manda de cervos de Excalibur” atopado na contorna do Parque. Despois da escavación, documentación e acondicionamento desta área por parte da Consellería de Cultura e Educación da Xunta de Galicia, temos a posibilidade de explicar a localización da “Pedra Rosetta” do conxunto dos petróglifos do Parque. Unha imporanche descuberta grazas o traballo dos investigadores Alia Vázquez e Benito Vilas (GEPN-USC) ao redor do mundo da fotogrametría e Arte Rupestre. A localización deste petróglifo vai supor unha revolución no discurso narrativo dos guías, e tamén na creación de novos itinerarios e actividades complementarias que nos axuden a comprender a súa importancia dentro do conxunto do Parque.

Pechamos a memoria do 2016 falando de como nos ven os usuarios. Neste caso omitiremos as nosa enquisas internas e poremos o exemplo das redes sociais, outro indicador fundamental para coñecer o grao de satisfacción dos visitantes do Parque. Por exemplo, na conta de Centro de Interpretación del Arte Rupestre de Campo Lameiro temos unha nota positiva: 15 críticas co cualificativo de excelente, 15 de moi bo, e 2 de normal. Entre os elementos máis valorados son a calidade das instalacións, a amabilidade e coñecementos dos guías, a espectacularidade dos petróglifos inseridos nun belo espazo natural. Pola contra, o negativo é o prezo da entrada e o emprazamento do Parque. Non podemos deixar de escoitar ao noso público.

Agradecementos a todos aqueles noivos da arte Rupestre. Como dicía Roberto Branco Torres: “Non se ama o que non se coñece”.

César Abella presentación proyecto Héctor
Proyecto Héctor Jordi Juan Treserras
César Abella proyecto Héctor París

O NOVO MODELO DE XESTIÓN DO PAAR NO SIMPOSIO DO PROXECTO HÉCTOR

O xerente do Parque Arqueolóxico de Arte Rupestre de Campo Lameiro (PAAR), César Abella Vázquez da empresa TRIVIUM, foi convidado pola Université Paris-Sorbonne a presentar unha ponencia no Congreso sobre a Gobernanza Turística dos Itinerarios Culturais. Cooperación, Creatividade e Innovación. Unha actividade enmarcada dentro do proxecto HECTOR, financiado pola Comisión Europea no marco do programa Erasmus+ e organizado polas universidades de EIREST ( Université de Paris 1 Panthéon-Sorbonne), CAST ( Università di Bologna – Campus Rimini) e do Instituto Europeo de Itinerarios Culturais – Consello de Europa.

A comunicación tivo como idea principal amosar o deseño e implementación do novo modelo de xestión turística e cultural do Parque Arqueolóxico de Arte Rupestre de Campo Lameiro, un espazo arqueolóxico integrado dentro do Itinerario Cultural Europeo de Camiños de Arte Rupestre (CARP) dende o ano 2011.

O novo programa de acción ten por finalidade aumentar tanto o número total de visitantes, como o seu grao de satisfacción e de calidade na visita. Para iso, puxéronse en marcha diversos programas en relación á colaboración e activación da poboación local; o deseño e comercialización de novos produtos turísticos; nova estratexia comunicativa; o deseño e comercialización de actividades para público escolar e familiar; e a colaboración conxunta con universidades na organización de programas formativos para especialistas e público non iniciado. Un traballo que xa está dando froito en diferentes segmentos do público que visitan o Parque, especialmente o escolar e familiar.

img-20160929-wa0003imagenjordijuanotra-imagen-proyecto-hector

Visitas Teatralizadas 2016
Cartel Noitepedras Astronómico 2016

AGASALLO DE SETEMBRO: TEATRO+NOITEPEDRAS ASTRONÓMICO

Este mes continuamos ofrecendo un completo programa de actividades para converter o PAAR nun espazo vivo e dinámico para os nosos visitantes.

Nesta ocasión recomendamos pagar soamente a entrada de NOITEPEDRAS PETRÓGLIFOS E CONSTELACIÓNS (21:00 horas) do 10 e 17 de setembro é aproveitar a VISITA TEATRALIZADA DE OS QUINQUILLÁNS E DÁLLE VOLTA TEATRO (19:00 horas) que comezará dúas horas antes.

SÁBADOS DE SETEMBRO

3/10/17/24 de setembro de 21:00 ás 23:00 horas: NOITEPEDRAS PETRÓGLIFOS E CONSTELACIÓNS. Prezo: “Petróglifos e Constelacións” 10 euros (visita guiada) e “Bocatas Rupestres” 15 euros (visita guiada+ cea de bocadillo). Aforo máximo de 30 persoas. Obrigada a reserva de praza.

10/17 de setembro de 19:00 ás 20:30 horas: VISITAS TEATRALIZADAS. Prezo: Actividade de balde coa entrada ao Parque Arqueolóxico ou NOITEPEDRAS PETRÓGLIFOS E CONSTELACIÓNS.

D.NÉSTOR (Pepe Penabade), grandísimo estudoso dos petróglifos e membro da Sociedade Arqueolóxica de Pontevedra volve a Campo Lameiro despois de case oitenta anos morto. Asombrado polos cambios, o defunto investigador decide botar man de LAMIA (Tero Rodríguez) e CAXIGO (Lucho Penabade), habitantes da Idade do Bronce epersonaxes principais de todos os seus escritos, para entender e compartir con todos os visitantes o novo parque arqueolóxico.
Actividade de balde coa entrada ao Parque Arqueolóxico ou coa entrada de NOITEPEDRAS PETRÓGLIFOS E CONSTELACIÓNS.

Contacto: reservas@paar.es/986696066

TeatroSetembro cartel noitepedras-SETEMBRO-3

Cartel Noitepedras Astronómico 2016
IMAGEN DE LAXE DOS CARBALLOS NOITEPEDRAS

NOITEPEDRAS ASTRONÓMICO: “PETRÓGLIFOS E CONSTELACIÓNS”

O éxito acadado na edición de NOITEPEDRAS 2016 lévanos a continuar no mes de setembro cunha novidade importante pola temática escollida nesta ocasión, centrada na explicación da relación dos petróglifos coa paisaxe celeste da súa época, a Idade do Bronce.

O encargado desta actividade é o experto en astronomía cultural Benito Vilas, autor de varias publicacións no eido da arqueoastronomía e megalitismo despois do seu paso polo máster de Astronomía Cultural y Astroloxía da Universidade de Gales Trinity Saint David. Benito falará dos mitos gregos de creación do universo asociados coas constelacións, e da curiosa teoría de interpretación da cornamenta do cervo de Laxe dos Carballos coma un calendario solar.

O prezo por participar nesta edición de NOITEPEDRAS ASTRONÓMICO é de 10 euros/persoa na opción de soamente visita guiada “Petróglifos e Constelacións”, e 15 euros/persoa no caso de escoller a modalidade de “Bocatas Rupestres”, xa que ademais da visita guiada, inclúe un bocadillo e un refresco para cear na contorna do poboado da Idade do Bronce.

Agardamos que poidades gozar connosco desta singular oferta de turismo astronómico que pretende aproveitar a practicamente nula contaminación lumínica existente no Concello de Campo Lameiro.

Horario: tódolos sábados de setembro (3, 10, 17 e 24) de 21:00 á 23:00 horas.

Prezo: “Petróglifos e Constelacións” 10 euros (visita guiada) e “Bocatas Rupestres” 15 euros (visita guiada+ cea de bocadillo).

Lugar: Parque Arqueológico de Arte Rupestre de Campo Lameiro (www.paar.es).

Contacto: reservas@paar.es/986696066. Aforo máximo de 30 persoas. Obrigada a reserva de praza.

cartel noitepedras-SETEMBRO-3noitepedra09

Xornada de Fundición 2016
Jornada de Fundición 2016
Xornada de Fundición 2016
Actividad de metalurgia en el PAAR

EXHIBICIÓN DE FUNDICIÓN PREHISTÓRICA: A ELABORACIÓN DUN PUÑAL DE BRONCE

Este sábado, día 20 de agosto, teremos a posibilidade de ollar no Parque Arqueolóxico de Arte Rupestre de Campo Lameiro (PAAR) unha demostración das técnicas empregadas no pasado no traballo do metal, concretamente na fabricación dun puñal de bronce. Esta actividade xa foi realizada este mesmo ano no Parque por Aaron Lackinger, investigador experto en metalurxia do GEAAT- Universidade de Vigo-Universidade de Granada. Pero nesta ocasión está concibida dende unha perspectiva máis didáctica e amena para que o público xeral poida comprender a relación do mundo dos petróglifos e da metalurxia.

No desenvolvemento da actividade empregaremos unha estrutura de fundición simple, consistente nunha fenda no chan, alimentada por dous foles de coiro de cabalo, a través de dúas tobeiras cerámicas. Como combustible empregarase carbón vexetal, feito de uz.

A fundición repetirase dúas veces. Pola mañá será de 12:00 h. Á 14:00 h. e pola tarde de 17:00 h. á 19:00 h.

Esta actividade é de balde. Só se paga a entrada ao Parque.

FUNDICIÓN AGOSTO-galFundición

HORARIOS 15 agosto 2016

HORARIO DO LUNS DE 15 DE AGOSTO

Lembrade que o próximo luns, 15 de agosto, teremos abertas as nosa portas para aqueles

que desexen achegarse polo Parque no seguinte horario: 11:00 ás 21:00 horas. Graciñas

pola vosa atención.