Tras un pequeno descanso regresamos cunha nova oferta de experiencias únicas para desfrutar da Prehistoria.
Experiencias na Prehistoria
Mergúllate no pasado connosco!
Os sábados de novembro “cerámica na prehistoria”
- Preguntácheste algunha vez como se creaban os vasos cerámicos da prehistoria? Neste obradoiro poderás fabricar e deseñar a túa propia peza dende cero!
Os domingos de novembro, en “A metade silenciada“
- Reflexiona sobre as representacións das mulleres na Prehistoria e na arqueoloxía
Os sábados de decembro “Cantas Xoias!“
- Deseña e crea as túas xoias metálicas inspiradas nas fascinantes pezas prehistóricas.
Os domingos de decembro “Estampas do pasado“
- Agora que se achega o nadal podes fabricar a túa propia postal con selos que poderás deseñar inspirados nos petróglifos e pequenos ídolos prehistóricos.
Aventura e misterio
Xogo de aventuras dentro do CIDAR, “O Tesouro da Moura“, un xogo de pistas que porá a proba a túa habilidade para resolver enigmas no interior do centro de interpretación.
“Petroaventura” un xogo de orientación ao aire libre que te levará a percorrer os sendeiros do Parque Arqueolóxico mentres descobres os misterios que agochan as pedras de Campo Lameiro.
Noites no PAAR
As noites tamén terán o seu encanto coas nosas visitas guiadas nocturnas:
“Pesadelo antes de nadal” o 6 de decembro, as historias máis arrepiantes de Galicia nos guiarán polos sendeiros do PAAR entre petróglifos. Anímaste a espertar aos espíritos?
“Solsticio de inverno” o 20 de decembro, coa enerxía do día máis corto do ano axexando, poderás recorrer o PAAR da maneira máis especial, de noite! como mellor se ven estes gravados, e como broche final poderás ver como se prendia o lume na Prehistoria.
Eventos Especiais
O 31 de outubro e o 1 de novembro, celebraremos “Samaín no PAAR“, onde se realizará un obradoiro onde aprenderemos a facer un colar de zonchos e despois remataremos a xornada cunha visita guiada especial.
O 30 de novembro, obradoiro “A metade silenciada” de balde para conmemorar o 25N, Día Internacional da Eliminación da Violencia contra a Muller.
Apertura especial o 8 de decembro, luns, o PAAR abrirá as súas portas en horario de 10-16h.
Visitas guiadas diarias:
Como sempre, ofreceremos visitas guiadas ás 12:30h.
Horario de apertura de 10-16h.
Agardámoste!
