ATARDECERES E NOITEPEDRAS

ATARDECERES

Data: sábados de xuño, xullo e agosto (19:00 h.)                       Duración: 90 minutos
Público destinatario: xeral e familiar                                              Prezo: Entrada+3 €

Unha visita guiada especial que representa a unión entre a paisaxe e os petróglifos nun momento especial, a posta de sol no medio do val do Lérez. Gozaremos dun itinerario máis completo que a visita clásica do Parque, descubrindo outros petroglifos como Chan da Isca ou Pedra Furada.

Nesta edición incorporamos un novo relato e fío condutor, a arte rupestre coma a primeira arte da humanidade. Polo tanto, adentrarémonos un museo de arte de catro mil anos situado nunha área arqueolóxica de 22 hectáreas de extensión.

Reservas: 886 15 11 95/reservas@paar.es (Reserva previa)

Vídeo: Atardeceres 2019

 

NOITEPEDRAS DE CORES

 

Data: venres de xuño, xullo e agosto (19:00 h.)                       Duración: 120 minutos
Público destinatario: xeral e familiar                                            Prezo: 10 € adult@s/ 8 € nen@s

Nunha contorna única, cando o sol do verán cae e as luces nocturnas alumean, xorde NOITEPEDRAS, unha experiencia cultural do Parque Arqueolóxico de Campo Lameiro que vai pola súa quinta edición.

Este ano ofreceremos unha experienica única dende o punto de vista visual e sensorial pola incorporación dunha iluminación de diferentes cores. Unha nova visión de rochas tan emblemáticas coma Laxe dos Carballos, tinguidas de cores, é unha vivencia difícil de esquecer coma a sorpresa que nos vai causar o atopar gravados que é moi difícil de ollar coa luz natural.

Reservas: 886 15 11 95/reservas@paar.es (Reserva previa)

Vídeo: Noitepedras 2019