SEMANA SANTA 2023 NO PAAR: “GALICIA É ARTE RUPESTRE”

30 30UTC Marzo 30UTC 202326 26UTC Setembro 26UTC 2024 by 0ldaVKMJ

O Parque Arqueolóxico da Arte Rupestre deseñou unha programación especial para a Semana Santa do 2023 con máis actividades diarias, obradoiros, visitas guiadas, e exhibicións de lume gratuítas e agasallos durante todos os días, a semana comprendida entre o martes 4 e 9 de abril.

Cada día comezaremos cos obradoiros familiares “Cerámica coas túas mans” ou “Pintura Rupestre” ás 11:30 h. que continuarán pola tarde con outros obradoiros para rapaces de máis de 10 anos, a partir das 17:00 h. e coas seguintes temáticas: “Caza na Prehistoria” ou “Graffitis no pasado”. Ademais, o público poderá escoller entre varios horarios de visitas guiadas á área arqueolóxica realizadas por un monitor/a especializado en arte rupestre. O custe de ámbalas actividades é de 3 euros por persoa, ademais do prezo da entrada xeral (3 euros) ou reducida ao PAAR (1,80 euros).

Por exemplo, unha persoa con entrada xeral e que reserva unha actividade de 3 euros pagaría finalmente 6 euros, e se forma parte do seguinte colectivo (familia numerosa, +65 anos, grupo +10, estudantes ou persoas con discapacidade) compraría a entrada reducida e pagaría en total 4,80 euros (1,80 euros pola entrada reducida e 3 euros pola actividade).

Obradoiro de Caza en la Prehistoria recomendado para rapaces de máis de 10 años.

A novidade do presente ano será a oferta gratuíta de dúas exhibicións de lume diarias, ás 13:30 e 19:30 h., na entrada do Centro de Interpretación coa intención de que o público coñeza como se facía lume durante a Prehistoria. Por outra parte, todas as persoas qeu visitan o Parque durante a Semana Santa participarán no sorteo de diferentes agasallos coa intención de apoio ao Concello de Campo Lameiro como “Capital del turismo rural 2023″ del portal web Escapada Rural.

Este ano agardamos continuar co crecemento do público xeral e recibir máis de 1.500 visitantes na Semana Santa, consolidando o Parque como un dos principais recursos culturais e turísticos no interior da provincia de Pontevedra. Para todas as actividades programadas é necesaria a reserva previa, por correo electrónico (reservas@paar.es) ou por teléfono (886151195).

Concurso-de-fotografía-enfoques-rupestres-3-1452x2048

PROGRAMACIÓN VERÁN 2022

30 30UTC Xuño 30UTC 202226 26UTC Setembro 26UTC 2024 by 0ldaVKMJ

Este ano o Parque Arqueolóxico da Arte Rupestre de Campo Lameiro (PAAR) preparou unha programación especial de verán coa idea de amosar ao público a biodiversidade presente na Área Arqueolóxica do PAAR con diferentes actividades do programa especial “Coñece a natureza do PAAR”. Ademais continuarase ofrecendo a variada oferta de actividades característica do PAAR pensada para tódolos públicos e gustos: visitas guiadas, escape room, fotografía e obradoiros familiares.

Así, cada día será posible participar nunha das tres visitas guiadas aos principais petróglifos do PAAR (12:30; 18:00 ou 19:30 h.) ou realizar un taller en familia na Área Arqueolóxica (11:15 ou 12:15 h.). Na noite dos venres (22:00h.) haberá visita nocturna especial: “Noitepedras de Cores”, que repite este verán a boa experiencia do ano anterior. A proposta de scape room “O segredo oculto do labirinto”, deseñada para grupos de amigos ampliará o seu horario, mais é precisa a reserva previa da sala. E por último ofrecemos por primeira vez todos os mércores o “Fotomaratón rupestre” para os amantes da fotografía.

Visita nocturna aos principais petróglifos do PAAR

Escape Room “O segredo oculto do labirinto”

Obradoiros familiares todos os días en función das idades dos rapaces

Mais a principal novidade do verán 2022, e coa que pretendemos afondar no coñecemento da biodiversidade natural da contorna do parque arqueolóxico ven polo programa “Coñece a natureza do PAAR” con actividades que permitirán afondar na divulgación da flora e fauna do PAAR coa colaboración de empresas e asociacións medio ambientais: “Roteiro ornitolóxico entre petróglifos” (SEO-Birdlife Pontevedra), “Flora silvestre do parque: descrición, usos e curiosidades” (Xosé Braulio) e “Roteiro de exploración da natureza en familia “Bosquinenos” (Alados Medioambiente).

“Flora silvestre do parque: descrición, usos e curiosidades” (Xosé Braulio)

Para anotarse a calquera das actividades citadas é necesaria a reserva previa, ben mediante correo electrónico (reservas@paar.es) ou ben por teléfono (886151195), no horario de apertura do PAAR, que durante o verán é de 11.00 a 21.00 h. de forma ininterrompida.

Dende o PAAR animámosvos a reservar un día do verán 2022 para descubrir, ou redescubrir, un museo de arte ao aire libre de 4.000 anos de antigüidade situado na capital dos petróglifos de Galicia, no Concello de Campo Lameiro. Un equipamento cultural xestionado pola Xunta de Galicia.

UN VERÁN ENTRE PETRÓGLIFOS MÁIS FAMILIAR E SEGURO

12 12UTC Xuño 12UTC 202026 26UTC Setembro 26UTC 2024 by 0ldaVKMJ

Adiantamos a nosa programación do verán que dará comezo o 19 de xuño.

O Parque Arqueolóxico da Arte Rupestre de Campo Lameiro, dependente da Xunta de Galicia, adianta este ano a súa presentación da programación especial do verán coa idea de ofrecer unha proposta de ocio cultural familiar con dúas novas actividades: O Diario Perdido e Petroquiz. Mantéñense ademais as propostas de éxito do Parque, Atardeceres e Noitepedras, con renovadas temáticas e itinerarios.

As familias poderán escoller cada día entre estas dúas novas opcións. Petroquiz é unha visita guiada que remata nun divertido concurso de preguntas que ten lugar todos os días ás 18:00 horas. E o Diario Perdido é un circuíto exterior para descubrir de forma autónoma e sen límite de tempo diferentes aspectos da Prehistoria de Galicia, completando as páxinas dun antigo diario de campo. Desta maneira o público familiar continuará gozando do Parque como xa pasou con outras actividades semellantes, Invernía e Prehistorix, pero adaptándonos á nova necesidade de distanciamento social.

O público xeral ten a posibilidade de escoller tódolos días a Visita Clásica, ás 12:00 e ás 19:30 horas, que fai un percorrido polos principais petróglifos do Parque. Ou escoller outras opcións durante as fins de semana: Atardeceres (Sábados ás 19:00 horas), un paseo para descubrir a arte rupestre e paisaxe do Parque ao solpor; e Noitepedras (Venres ás 22:00 horas), unha visita guiada nocturna que este ano contará cunha iluminación orixinal con distintas cores. Dúas das mellores experiencias para coñecer a arte rupestre que se poden atopar na Península Ibérica e que este ano incorporan novidades. Atardeceres terá un novo itinerario e temática, e Noitepedras con luces led con filtros de diferentes cores.

A programación do verán 2020 foi deseñada loxicamente para cumprir as medidas de seguridade necesarias pola irrupción do Covid-19, incidindo no distanciamento social, control de aforo e medidas hixiénico-sanitarias. Por esta razón é obrigada a reserva previa de praza en todas estas actividades no teléfono 886 151 195 ou no correo reservas@paar.es.

PROGRAMA DE ACTIVIDADES SEMANA SANTA 2019

12 12UTC Abril 12UTC 201926 26UTC Setembro 26UTC 2024 by 0ldaVKMJ

O PARQUE OFRECE UNHA COMPLETA PROGRAMACIÓN DE ACTIVIDADES GRATUÍTAS (VISITAS GUIADAS E EXHIBICIÓNS) ENTRE O 16 E 21 DE ABRIL E DOUS EVENTOS ESPECIAIS (DÍA INTERNACIONAL DOS MUSEOS E SITIOS O 18 DE ABRIL E NOITEPEDRAS O 19 DE ABRIL)
O Parque pretende consolidarse outro ano máis como un recurso patrimonial e arqueolóxico de referencia entre os turistas que gozan da Semana Santa na comarca de Terras de Pontevedra e Galicia. Por esta razón deseñouse unha programación que vira ao redor de ofrecer diariamente catro actividades gratuítas (tres visitas guiadas e unha exhibición). Pódese elixir entre o horario de mañá coa visita guiada das 12:30 h. , mentres pola tarde ofrécense dúas visitas guiadas máis, ás 17:00 e 19:30 h. A modo de colofón e peche do día realizaremos unha exhibición de “Lume na Prehistoria” ás 19:45 h. co obxectivo de agradecer aos visitantes a súa presenza durante o día no Parque.

Outra posibilidade que ofrecemos esta semana Santa consiste en aproveitar dous eventos singulares que celebraremos os días de maior afluencia do público. O primeiro deles terá lugar o xoves 18 de abril con motivo da celebración do Día Internacional dos Monumentos e Sitios da UNESCO 2019. Para iso configurouse un itinerario especial que axude a ofrecer ao público un novo enfoque, unha nova mirada cara aos petróglifos e a súa relación coa paisaxe. Unha visita guiada dunha hora e media de duración con dous horarios a elixir polo público, pola mañá (12:30-14:00 h.) ou pola tarde (18:30-20:00 h.).

O segundo evento especial é a incorporación por primeira vez de NOITEPEDRAS, modalidade de visita nocturna dos petróglifos reservada aos meses de verán, á axenda de actividades de Semana Santa do Parque. Máis concretamente, será o venres 19 de abril ás 21:00 horas. Unha experiencia única para observar os petróglifos á luz da lúa e ao mesmo tempo coa luz artificial proporcionada pola espectacular instalación de luces led ao longo de diversos puntos das estacións rupestres. NOITEPEDRAS está considerada unha das mellores experiencias nocturnas para gozar a arte rupestre na Península Ibérica.

Lembramos a gratuidade das visitas guiadas e exhibicións que realizaremos diariamente desde o martes 16 de abril até o domingo 21 de abril, sen necesidade de reservar entrada previamente, só é necesario abonar o prezo da entrada xeral ao Parque. Na mesma liña son as visitas guiadas do Día Internacional de Monumentos e Sitios, de carácter gratuíto, pero é necesario realizar unha reserva previa no seguinte número de teléfono 886 151 195 ou o correo electrónico resevas@paar.es. O único servizo de pago é NOITEPEDRAS, 10 euros a entrada para os adultos e 8 euros para os nenos, sendo obrigada a reserva previa no teléfono ou correo comentado anteriormente.